euskalsurf gazte - donosti prest!

Uztailaren 14 eta 15eko asteburuan, Billabong-ek aurkeztutako eta Euskal Herriko Surf Federazioak antolatutako Euskalsurf Gazte zirkuituaren bigarren froga egingo da Donostiko La Zurriola hondartzan.

La Salvajen jokatutako lehendabiziko frogaren ostean , Iara Dominguez eta Iker Amatriain  Sub18ko rankingaren lehendabiziko postuetan daude eta  Sub 14ekoetan berriz Silke Martinez eta Jacobo Trigo.

Zirkuituko hurrengo frogak Karraspio eta Plentziako hondartzetan jokatuko dira non txapelketa formatu ezberdin bat egongo den lehendabiziko klasifikatuekin.
Larunbateko 9:30etatik 11:30etara Billabong-ek Gosari berezi bat eskeiniko die parteartzaile guztiei Groseko Indarra Taldearen Kafetegian. Txapelketa 13:00etatik aurrera izango da eta Igandean 8:00etan hasiko da.
​
Kronika, argazki eta bideo guztiak @euskalsurfeko sare sozialektan eta zirkuituko web gune ofizialean jarraitu ahal izango dira: www.billabongaztesurf.com

Donistin ikusiko dugu elkar!