ONLINE TOPAKETAK [errendimendua] 
OSTEGUN TEKNIKOAK 
SURFA KIROL BILAKATU DA
Erromantizismotik teknifikaziora
DATA: Ekainak 11 
ORDUA: 18:00
HIZKUNTZA: Gaztelania
FORMATUA: Online (Izena emateko: komunikazioa@basqueteam.eus. Esteka aurreko egunean bidaliko da)
1) Basque Teameko eta Fadurako Hobekuntzarako Zentroko kirol teknikaria den Julen Erauzkinek labur azalduko du zein den testuinguru berria surfa programa olinpikoan sartu denetik.
2) Euskal Herriko Surf Federazioak eta Basque Teamek ziklo olinpikoaren hasieran martxan jarritako bikaintasun proiektua ardatzat hartuta, kirolariek egindako teknifikazio prozesua azalduko dute.
- Gorka Zalakain proiektuaren analisi-teknikariak, enpirismo edo intuiziotik, datuen bilketan oinarrituz, ezagutzara pasatzeko bidea zein izan den erakutsiko du.
- Mikel Zalakain proiektuaren team managerrak, aurretik jasotako datu horiek nola aplikatu diren eta kirolariekin nola lan egin den azalduko du ondoren: zer entrenatu behar da, zein da organizazio-sistema, zeintzuk dira planteatutako lan motak...
4) Mahai-ingurua, aurreko ataletan azaldutakoan sakontzeko Basque Teameko eta Fadurako Hobekuntza teknikorako Zentroko kirol teknikaria den Aitor Alberdik gidatuko du. Saioan parte nahi duten guztiek galderak eta komentarioak egiteko aukera izango dute.

Estatuan lehiaketa profesionalei berriro ekitea onartu ondoren, EHSFk erabaki du lehiaketa jarduerarekin berriro hastea.
Ildo horretan, EHSFren zuzendaritza teknikoa lehiaketa-urte zuririk ez izateko aritu da lanean, eta egutegi bat prestatu du, ekitaldi bakar batekin modalitate eta kategoria bakoitzeko; hala, 7 ekitaldi izango dira guztira.

Lehiaketa guztietako izen-emateak doakoak izango dira eta sariak eskudirutan emango dira (3.000 euro surf open eta body open frogetan). Izena emateko metodoa wavescores.net plataforma izango da, eta ekitaldi aurreko asteazkenean itxiko da 24:00etan.


Prebentzioa eta segurtasuna
Lehiaketa berriro hasiko da, higieneari eta prebentzioari buruzko osasun-gomendioei jarraituz, bai uretan bai lehorrean. Uretan surflarien arteko distantziak eta kontaktua errespetatu behar dira, eta lehorrean lehiaketa-eremu bat izango da, gaituta eta higienizatuta. 
Gomendatuko da ahal den neurrian lehiaketaren eremura ahalik eta gutxien sartzea, kirolariek, entrenatzaileek, epaileek eta teknikariek ekitaldia modu seguruan egin dezaten.

Euskal Herriko Agintaritzaren Aldizkaria (92. zk., 2020ko maiatzaren 16a, larunbata), maiatzaren 18atik aurrerako aldaketa hauek jakinarazten zaizkie kirolari federatuei :
2. Artikulua.– Lehendakariaren maiatzaren 10eko 8/2020 Dekretuaren 3. artikuluaren 1., 2. eta 3. zenbakiak aldatzen dira, eta honela idatzita geratzen dira: 
 1.– Jarduera fisikoa eta kirola egin ahal izango da bizilekua finkatuta dagoen udale- rriari dagokion lurralde historikoaren barruan, bai eta udalerri horren mugakide izanik beste lurralde historiko batean dauden udalerrietan ere, betiere osasun-agintariek ezarritako segur- tasun-, osasun- eta higiene-neurriak errespetatuz.» 

AZKEN XEDAPENA.– Indarrean jartzea. 
Dekretu hau 2020ko maiatzaren 18ko 00:00etan jarriko da indarrean.